تقليـــــــــــد دوت كوم

تقليد .. تقليد ايه الى بتتكلمى عليه ؟؟ .. طب بلاش دى محاكاه .. اه جينا بقى للغلط ... انتى بتشتمى  .. مكنتش اعرف عنك كده .. طب بلاش اانا اسفه (( simulation )) .. ايوة يا ستى ماتقولى كده من الصبح انا ثقافتى انجليزى .. خلاص خلاص حقكوا عليا .
ممكن تقوليلنا ايه الى انتى بتقوليه ده لحسن لخبطينا ومش فاهمين حاجه .. طيب حاضر حاضر اصبروا عليا بس .
انا بتكلم عن التقليد او المحاكاه او ال simulation الى احنا بنعمله كل يوم فى حياتنا من ساعه ماتولدنا لحد ماهنموت .. حاجات كتير طلعنا بنقلدها .. بنطلع بنقلد بابا وماما .. بنقلد المدرسين فى المدرسه .. بس الفكره بقى هو احنا بنقلدهم فى ايه بنقلد فى حاجه هتفيدنا ولا العكس
يعنى انتوا عارفين كلكوا اننا قاعدين طول اليوم بنفكر ازاى نقلد الغرب فى كل شئ سلبى هما نفسهم بيحاولوا يتخلصوا منه
لكن احنا اززززززززاى لا طبعا لازم نقلد .. حتى بنحاول ناخد لغتهم ولبسهم وشكلهم وطريقه كلامهم واغانيهم .. وبالرغم من اننا عندنا ثراء فى حاجات كتير لكن عنينا عاميه عنها مش عارفين نشوفها .. اولها اللغه شوفوا لغتنا ثريه اد ايه وربنا انعم علينا بيها من بين كل البشر واحنا لا ازاى لازم يكون عندنا عقده الخواجه دايما .
طيب مادام العقده كده كده موجوده .. طب ما مرة واحده نحاول نستخدم العقده دى فى حاجه ايجابيه .. طيب مرة زى ماحنا بندور على اخر  "موضه " واخر نوع " ميوزيك " واخر قصه شعر .. نقلدهم نحاكيهم فى تقدمهم العلمى .. التكنولوجى .. التعليمى .. الفضائى .. وهكذاااا
خليهم فى عاداتهم الى مش مننا وخلينا احنا فى عادتنا الى ابتدت تختفى .. (( لهم دينهم ولينا ديننا )) ...
طب اقولكوا على حاجه تدعى للتفاؤل شويه عشان شكلكوا زهقتوا منى ...انا شفت عندنا شباب هنا بيستخدموا نماذج التقليد او المحاكاه دى وبيطبقوها هنا .. طب ازاى اشرحيلنا .. اقولكوا انا اشتركت فى اكتر من نموذج محاكاه من سياسه وثقافه واقتصاد وكمان علمى وادبى وغيرهم  .. نماذج محاكاه لجامعه الدول العربيه .. لجائزة مثل جائزة نوبل ...بيشجعوا الشباب على عمل شئ ايجابى .. يعنى من الاخر كده شباب بيحب بلده بالفعل ومش بالكلام ومش عاوزين منها مصالح خاصه لا المصلحه مصلحه عامه وبتفيدنا كلنا كشباب ..بنحاكى افكار عالميه .. بنحاول ندخل بتفكيرنا فى اشياء فعلا تفيد بلدنا .. بنحاول اننا نغير الواقع بالاحلام .. يمكن فى يوم الاحلام دى تحقق ونكون احنا لينا ايد فيها ...لاننا ان شاء الله جيل المستقبل .. ولما جيل المستقبل يبقى ايجابى يبقى اكيد بلدنا هتتأثر تأثير ايجابى برده ...والحمدلله ده لسه موجود فى بلدنا وده بيدى امل للى جاى ... وده الى احنا عاوزينه .. كفايانا احباط مش هينفعنا بحاجه ...تعالوا نقلد بعض ونبقى ايجابين .. اشمعنه دى هتقولوا هنفكر ؟؟ ... يلا مستنين ايه بلدنا بجد محتاجه لكل واحد فينا .. عاوزين تقليد ايجابى .. تقليد حضارى .. تقليد يطلع جيل يقول للغرب احنا عندنا ناس بتعرف تفكر .. ناس بتشتغل .. ناس بس عاوزه فرصه ولما تيجى هنستغلها وهنستثمرها ... ها هنفكر نقلد صح ولو مش هنقلد ياريت نبتكر يبقى ده شئ اجمل واجمل ...انا متأكده ان فينا بذرة امل عاوزة ايد ترويها وتكبرها وساعتها هيطلع مننا قاده وحكام يقدروا يصنعوا المستقبل الصح وهو ده الامــــــــــــل

عاوزينه مؤهل "غالــــــــــــــى"

منذ زمن ليس بالقريب كان المؤهل الدراسى غير مهم بالمرة .. ومنذ زمن اقرب من الذ ى مضاه كان المؤهل المتوسط هو المهم ووظيفه الحكومه هى الهناء والسعاده " اتمرمرغ فى تراب الميرى "
ومنذ زمن ليس بالبعيد كان المؤهل العالى هو حلم اى شاب وفتاه واسرهم … فهذا كل شئ وهو المطلوب وقتها بجانب الوظيفه المضمونه بجواب من القوى العامله .
ومنذ سنون ليست بالبعيده هى عمر كل فرد فينا اصبحت هيبه المؤهل العالى وقوته تندثر وتتلاشى
اصبح المؤهل العالى لا شئ فى ظل الظروف الراهنه … اصبح المؤهل العالى بمفرده لا يصلح لسوق العمل .
تقدم لاى فتاه بمؤهلك العالى هذا وانت ستعرف ماهو هى قيمته امام اهل العروسه بالضبط
تحتاج فوق مؤهلك مؤهلات اخرى كثيره .. وهذا يتطلب منك الكثير والكثير والكثيرررر.. تحتاج الى لغات كثيره لان اللغه العربيه اصبحت اللغه الثالثه او الرابعه فى بلادنا الان ولا يعترف بها فى اى عمل وحتى تتعلم وتتقن هذه اللغات نحتاج منك الى احضار كل ماتملك كى تستطيع ان تتعلم بدقه …تحتاج الى اتخاذ الكثير من المسكنات والفيتامينات والمقويات فيما درست واتخاذ الكثير من مجموعات التقويه كالمدرسه كى تتذكر اى شئ مما درست .
وهذا يتطلب منك ثروه اخرى كى تصل الى المستوى الذى يؤهلك لسوق العمل وللشركات الكبرى
فلذلك المؤهل غالى غالى جدا الان … يجب عليك قبل ان تتقدم الى الفتاه التى تحبها ان تحضر السيره الذاتيه لديك وتذاكر جيدا قبلها كى يفكروا فى قبولك ام لا.
السؤال هنا .. لماذا تفتح الدوله لنا يدها وتساعدنا فى دخول الجامعات الحكوميه ثم تقدمنا للدوله بعد التخرج وهم ليسوا فى حاجه لنا ويحتاجوا فقط اصحاب الجامعات الخاصه والاجنبيه ذات القدرات الفنيه الاعلى والاصلح لبناء مجتمع سليم وقيادات سليمه ؟؟؟
اننا لم ندفع نقودا كثيره فى المؤهل العالى لكن اصبح غالى نتيجه لما بعد الدراسه ومتطلبات سوق العمل

هل توصلتم لما افكر فيه واتكلم عنه هنا ؟؟